प्रकाश पौडेल
बेनी, २६ साउन। म्याग्दीको सदरमुकाम बेनी बजारको न्यूरोडमा मंगलबार विहान आगोलागिले दुई पसलको सामानहरु पुर्ण क्षति भएको छ । बेनी नगरपालिका– ८ स्थित न्यूरोडस्थित रहेको रघुगंगा डेरी र नयन नतिजा स्र्टोशको पसलमा आगोलागि हुदाँ लगभग १ करोड रुपैया क्षति भएको अनुमान छ ।
जीवनबहादुर विश्वकर्माको एकतले छाप्रोमा रहेको नयन नतिजा स्र्टोश र रघुगंगा डेरीमा विहान २ बजेदेखि सुरु भएको आगालागि साढे ४ बजे नियन्त्रणमा आएको थियो । आगोलागी नियन्त्रणका लागि बेनी र बागलुङको दुइवटा दमकल, प्रहरी, सशस्त्र, नेपाली सेना र बजारबासीको सक्रियतामा आगोलागि नियन्त्रण भएको थियो ।
दुध तथा फलफूलको रघुगंगा डेरी र किरानासंगै खाद्यान्न स्र्टोश भएको नतिजा स्र्टोशको सम्पुर्ण सामानहरु जलेर नष्ट भएको छ । प्रहरीका अनुसार विद्युत सर्टका कारण आगोलागी हुनसक्ने अनुमान छ ।
डेरी र नयन–नतिजा स्र्टोश आगालागि हुदाँ करिव ७५ लाख देखि १ करोडसम्म क्षति भएको प्रहरी नायव निरिक्षक श्यामकुमार राईले बताए । उनले आगोलागिको कारण र दुई ब्यवसायीको कति क्षति भएको विवरण संकलन हुन बाकी रहेको जानकारी दिए ।
दमकलबाहेक नियन्त्रणका अन्य स्रोतहरु नहुदाँ आगोलागी दुईघण्टासम्म भएको थियो ।
